ដំណើរការនៃការជួញដូរ Forex

ការជួញដូរ Forex គឺស្រដៀងគ្នាទៅនឹងការទិញ និងលក់មូលបត្រប្រភេទផ្សេងទៀត មានដូចជាភាគហ៊ុនជាដើម។ ចំណុចដ៏សំខាន់នៃការជួញដូរ Forex ត្រូវបានធ្វើជាគូៗដែលមានរូបិយប័ណ្ណជាច្រើននៅលើពិភពលោក ដូចជា EUR/USD (អឺរ៉ូ/ដុល្លារអាមេរិក) ឬ JPY/GBP (យ៉េនជប៉ុន/ផោនអង់គ្លេស)។

ការជួញដូរ Forex មានន័យថា ទិញរូបិយប័ណ្ណមួយហើយ​លក់រូបិយប័ណ្ណមួយទៀត ឬអ្នកលក់រូបិយប័ណ្ណមួយហើយទិញមួយទៀត។ អ្នកនឹងទទួលបានប្រាក់ចំណេញ ប្រសិនបើតម្លៃរូបិយប័ណ្ណដែលអ្នកទិញកើនឡើងធៀបនឹងតម្លៃរូបិយប័ណ្ណដែលអ្នកបានលក់ ឬតម្លៃរូបិយប័ណ្ណដែលអ្នកលក់ធ្លាក់ចុះបើធៀបជាមួយនឹងរូបិយប័ណ្ណដែលអ្នកបានទិញ។ ឧទាហរណ៍៖ អត្រាប្តូរប្រាក់រវាងប្រាក់អឺរ៉ូ និងប្រាក់ដុល្លារអាមេរិកបច្ចុប្បន្នគឺ 1.40 USD ទៅ 1 EUR។ ប្រសិនបើអ្នកយកប្រាក់ដុល្លារអាមេរិកទៅទិញប្រាក់អឺរ៉ូ 1,000 EUR អ្នកនឹងត្រូវចំណាយប្រាក់ 1,400 USD។ ថ្ងៃបន្ទាប់ ប្រសិនបើប្រាក់ដុល្លារអាមេរិកឡើងថ្លៃពី 1.40 ទៅ 1.50 USD នោះអ្នកអាចលក់ប្រាក់អឺរ៉ូទាំងនោះក្នុងតម្លៃ 1,500 ដុល្លារ ហើយអ្នកនឹងទទួលបានប្រាក់ចំណេញ 100 ដុល្លារ។

ប្រតិបត្តិការជួញដូរគូររូបិយប័ណ្ណអន្តរជាតិនេះ គឺធ្វើឡើងនៅលើទូរស័ព្ទដៃ ឬកំព្យូទ័រតាមរយៈ Platform Meta Trader 4&5 ( MT4/MT5) ដោយទីផ្សារ Forex នេះដំណើរការ 24 ម៉ោងក្នុងថ្ងៃ 5 ថ្ងៃក្នុងមួយសប្តាហ៍។