តើពាក្យថា Bullish និងBearishមានន័យអត្ថន័យយ៉ាងដូចម្ដេចនៅក្នុង Forex ឬការជួញដូរឧបករណ៍និស្សន្ទ?
- August 12, 2021
- Posted by: Admin
- Category: ចំណេះដឹងទូទៅអំពី Forex
ជាក់ស្ដែងការជួញដូរឧបករណ៍និស្សន្ទគឺជាការជួញដូរលើគម្លាតថ្លៃផលិផលជាច្រើននៅក្នុងទីផ្សារហិរញ្ញវត្ថុធំបំផុតមានដូចជា មាស ប្រាក់ រូបិយប័ណ្ណបរទេស ប្រេងឆៅ និងគ្រាប់ធញ្ញជាតិជាច្រើនទៀត។ ការជួញដូរឧបករណ៍និស្សន្ទនេះបានផ្តល់ប្រាក់ចំណូលបន្ថែមមួយកម្រិតដល់អ្នកដែលជួញដូរលើគម្លាតថ្លៃផលិតផលក្នុងទីផ្សារនេះដោយអ្នកជួញដូរទទួលបានប្រាក់ចំណេញភ្លាមៗនៅពេលដែលទិសដៅប្រែប្រួលទៅតាមរំពឹងទុក។ ការប្រែប្រួលតម្លៃនៃផលិតផលនោះត្រូវបានគេហៅថា Bearish និង Bullish។ តើអ្វីទៅជា Bullish និង Bearish?
Bullish គឺជាជាតម្លៃទីផ្សារដែលកើនឡើង ចំណែក Bearish គឺជាតម្លៃទីផ្សារធ្លាក់ចុះផងដែរ។ Bullish ឬ Bull និង Bearish ឬ Bear អាចពិពណ៌នាអំពីគំនិតបុគ្គល ឬនិន្នាការទីផ្សារទូទៅ។ ទិសដៅនៃការកើនឡើងទីផ្សាររយៈពេលវែងត្រូវបានគេហៅថា Bull Market និងទិសដៅទីផ្សារធ្លាក់ចុះរយៈពេលវែងជាមួយនឹងការធ្លាក់ចុះតម្លៃជាបន្តបន្ទាប់ត្រូវបានគេហៅថា Bear Market។
ម្យ៉ាងទៀត Bullish ឬ Bearish គឺសំដៅដល់គំនិតបុគ្គលដែលវិភាគទៅលើទិសដៅតម្លៃទីផ្សារដែលអាចនឹងកើនឡើងឬធ្លាក់ចុះ។ ឧទាហរណ៍ “ខ្ញុំគិតថាតម្លៃមាសគឺជា Bullish នៅសប្តាហ៍ក្រោយ” ដូច្នេះមានន័យថាតម្លៃមាសនឹងឡើងថ្លៃនៅសប្តាហ៍ក្រោយ។ ចំណែកBearish ក៏សំដៅលើការគំនិតរបស់បុគ្គលផងដែរ ប៉ុន្តែវាមានន័យថាតម្លៃផលិតផលក្នុងទីផ្សារដែលនឹងធ្លាក់ចុះ។
