កត្តាជះឥទ្ធិពលដល់តម្លៃមាស

មាសគឺជាវត្ថុមានតម្លៃមួយដែលត្រូវបានគេយកទៅកៃឆ្នៃជាគ្រឿងអលង្ការផ្សេងៗ​​និងលក់ដូរលើទីផ្សារហើយសហរដ្ឋអាមេរិកគឺជាប្រទេសដែលមានផ្ទុកមាស​ច្រើនជាងគេរហូតដល់ ៨,១៣៣តោន។ ជាធម្មតាតម្លៃមាសតែងមានការប្រែប្រួលលើទីផ្សាររាល់ថ្ងៃ ហើយខាងក្រោមនេះជាកត្តាមួយចំនួនដែលជះឥទ្ធិពលដល់តម្លៃមាស។

តម្រូវការនិងការផ្គត់ផ្គង់ នៅពេលតម្រូវការកើនឡើង ឬការផ្គត់ផ្គង់ថយចុះ តម្លៃមាសនឹងកើនឡើង​ ផ្ទុយទៅវិញបើតម្រូវការថយចុះឬ ការផ្គត់ផ្គង់ច្រើនលើសតម្រូវការ នោះតម្លៃមាសនឹងធ្លាក់ចុះ។អត្រាអតិផរណាកើនឡើងតម្លៃរូបិយប័ណ្ណនឹងធ្លាក់ចុះ ដើម្បីទប់ទល់នឹងអតិផរណាវិនិយោគិនភាគច្រើនចាប់ផ្តើមវិនិយោគលើមាសជំនួសរូបិយប័ណ្ណវិញ ព្រោះមាសដើរតួនាទីអ្នកការពារដ៏ល្អ ទោះបីជាអត្រាអតិផរណាខ្ពស់មានរយៈពេលយូរក៏ដោយ។

ការប្រែប្រួលរូបិយប័ណ្ណដុល្លារអាមេរិក(USD) នៅទីផ្សារអន្តរជាតិ មាសត្រូវបានជួញដូរដោយគិតជាដុល្លារអាមេរិក ដោយយោងលើហេតុផលថាអាមេរិកជាប្រទេសមានផ្ទុកមាសច្រើនជាងគេ។ ​ដូច្នេះរាល់ការប្រែប្រួលនៃប្រាក់ដុល្លារអាចធ្វើឱ្យប៉ះពាល់ដល់តម្លៃមាស។ក្រៅពីនេះមានកត្តាផ្សេងទៀតដែលប៉ះពាល់ដល់តម្លៃមាសមានដូចជាទុនបម្រុងរដ្ឋាភិបាល ពន្ធនាំចូល និង អត្រាការប្រាក់ជាដើមដែលសុទ្ធតែកត្តាបន្ទាប់បន្សំជះឥទ្ធិពលដល់តម្លៃមាស។

#Goldprice#GFGInvestment